Loditasuna saihesteko gomendioak
garrantzitsua da haurren elikadura kontrolatzea eta kirola praktikatzea
Espainiako Osasun Ministerioaren datuen arabera, 6 eta 12 urte bitarteko haurretatik %16,1 gizenak dira

Edurne Mendoza Marrodan

Atarrabia. Ez da gaur egungo kezkarik nagusiena pisua, baina betidanik eman zaio garrantzia. Azken urteotan, asko hitz egin da pisuak ekar ditzakeen gaixotasunei buruz, bereziki anorexiaz eta honi lotuta, modeloen taila txikiari buruz. Baina, pisu handia izatea ere arazo bat da osasunerako. Gainera, heldua izatean loditasuna izatea gaztetik dator. Espainiako Osasun Ministerioak emandako datuen arabera, batez ere 6 eta 12 urte bitarteko haurretatik %16,1 gizenak dira, hau da, 1948an zegoen kopuruaren hirukoitza. Egoera honetara hainbat arrazoirengatik iritsi gara.
Alde batetik, loditasunaren faktore garrantzitsuenetarikoa elikadura da: haurrek oso elikadura txarra dute. Adituek diotenez, opil asko jaten dute, baita prestatutako elikagai eta janari azkar asko ere; hau da, koipe asko duten elikagaiak: hanburgesak, txokolatea, haragi asko... EEBBetan adibidez, hanburgesa asko jaten dira eta loditasun gehien dagoen lurraldea da munduan.
Bestetik, haurrek duten kirol falta dago. Haurrek geroz eta gehiago pasatzen dute eguna bideokontsola edo ordenagailuaren aurrean eta geroz eta gutxiago kalean, esate baterako, futbolean jolasten. Haur askok ez dute kirolik egiten eta urte horiekin kirola egitea heharrezkoa dute hazten ari direlako.
Hala eta guztiz ere, badago loditasuna ez izateko zenbait soluzio. Konponbidea erraza iruditu arren emaitza ona izateko esfortzu bat egin behar da. Honako soluziobideak betetzea komenigarria izango litzateke.
Lehenik, janariari dagokionez, mediku edo dietista batengana joatea egokia izango litzateke gorpu-tzean sartutakoa kontrolatzeko. Honekin batera, eskolako jantokietan jartzen duten janaria gehiago kontrolatu beharko lukete, elikagai osasuntsuak emanez gutxienez haurrek bazkari egoki bat izango luketelako.
Beste aldetik, komenigarria izango litzateke haurrek 3-4 egunetan kirola egitea. Baliteke zenbaitek haurrek ez dutela kirola egiteko denborarik esatea, goizean eskola eta ondoren akademiak edo ikasketak dituztelakoz, baina eskoletan gorputz heziketako saioak denbora gehiagoz eta gogorragoak egingo balira, haurrek kirol gehiago egingo lukete eta osasuntsuago egongo lirateke.
Guzti hau laburbilduz, azken urtetan haurrengan eragin handia izan duen gaixotasuna gainditzeko edo ez izateko, aski da elikadura kontrolatzea eta kirola egitea. Aldi berean, loditasunaz hitz egiten dugunean pisu handi-handiaz hitz egiten ari gara eta ez zaitez kezkatu iragarkietan azaltzen zaizkigun neska perfektuen gorputza ez baduzu.



http://www.noticiasdenavarra.es/ediciones/2008/05/22/sociedad/nafarroa/d22naf16.1255337.php helbide honetan ikusi ahal dozue emen jarritako testua.

Anorexia eta bulimiari aurre egiteko moduak



Anorexia eta bulimia gaur egun gure nerabeengan eragin handia duten bi gaixotasun dira. Elikadurari dagokion arazo honen ondorioz, beren gorputzak modu desitxuratuan ikusten dituzte eta nahiz eta erabat argal egon, beren burua gehiegizko pisuarekin ikusten dute.
Elikagaiak murriztea (anorexia) edo hauek kontrolik gabe irentsi eta ondoren oka egitea (bulimia), zergati konplexuak dituzten gaixotasun hauen agerpenik argienak dira. Gutxi da gurasoek egin dezaketena behin gaixotasuna garatuz gero, espezialistengana jotzea izan ezik (psikiatrak eta nutrizionistak).
Hauek dira, gure laguntzarekin, gure seme-alabek beren elikadura-ohiturak normalizatzen saiatuko direnak. Gaixoak bere auto-estimua berreskuratu behar du: ez du loditzearen beldur izan behar, lehen kasuan, eta ez du janaria antsiolitiko gisa erabili behar, bigarren kasuan. Gure partez egin dezakeguna bi gaixotasun hauek dakartzaten ezaugarri eta sintomei adi egotea da. Ikus dezagun:
Nerbio anorexia. Pubertaro eta adoleszentziaren artean agertzen da eta, orokorrean, nesken artean sarriago, batez ere beren itxura fisikoak gehiago kezkatzen dituelako.
Anorexikoa pertsona perfekzionista, obsesiboa, menpekoa eta manaerraza izaten da. Normalean, bere ikasketetan bikaina da, baina bere auto-estimua txikia izaten da. Ez dute beren bizitza pertsonala menperatzen, eta beren gosea modu obsesiboan kontrolatzen hasten dira. Beti lodi ikusten dute beren burua, argalak badira ere.
Bulimia. Gaixotasun honek adin gehiagoko neskengan izaten du eragina (17 urte inguru), eta gaixoak gatazkatsuak, oldartsuak eta intoleranteak izaten dira, presio sozialen, etxeko lanen eta abarren aurrean.
Eduki energetiko handiko janari asko goseak baleude bezala irensten dute, eta betekaden ondoren oka egiten dute sabela husteko. Aholkuak. Honetaz aholkatzea zaila da, espezialista batera ez bazoaz. Hala ere, baliagarriak izan daitezkeen hainbat gomendio daude.
Honetaz aholkatzea zaila da, espezialista batera ez bazoaz. Hala ere, baliagarriak izan daitezkeen hainbat gomendio daude.


Iragarkia hau igo dot zuek anorexia eta bulimia geroz eta kasu gehiago ematen ari direla jakiteko. Gai hau garrantzitsua dela jakin behar dugulako eta kontrol gehiago egon beharko litzatekelako.zer pentsatzen dozue?


"http://www.hiru.com/eskola_laguntza/eskola_laguntza_20_03_04.html" iragarki honetaz gehiago jakiteko.